کراچی : (ویب ڈیسک) محکمہ موسمیات نے شہر کا موسم آج بھی گرم رہنے کی پیشگوئی کی ہے۔
محکمہ موسمیات کا کہنا ہےکہ شہر میں آج بھی زیادہ سے زیادہ درجہ حرارت 40 سے 42 ڈگری سینٹی گریڈ رہنے کاامکان ہے جب کہ گزشتہ روز کراچی میں درجہ حرارت 40 ڈگری سینٹی گریڈ ریکارڈ کیا گیا۔محکمہ موسمیات کے مطابق سندھ کے مختلف
حصوں میں ایک ہفتے کے دوران موسم گرم رہے گا۔
ماہرین کا کہنا ہے کہ گرمی سے بچاؤ کے لیے شہری احتیاط کریں ،زیادہ سے زیادہ پانی پئیں، سر ڈھانپ کر رکھیں اور غیر ضروری طور پر دھوپ میں نہ نکلیں۔
