اسلام آباد: (ویب ڈیسک) ملک میں چوبیس گھنٹے کے دوران مثبت کیسز کی شرح تین اعشاریہ چار فیصد ریکارڈ کی گئی۔ کورونا وائرس سے 18 افراد جاں بحق ہوگئے، جس کے بعد اموات کی تعداد 30 ہزار 114 ہوگئی۔ پاکستان میں کورونا کے تصدیق شدہ کیسز کی تعداد 15 لاکھ 5 ہزار 328 ہوگئی۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران ایک ہزار 455 نئے کیسز رپورٹ ہوئے، پنجاب میں 5 لاکھ 92، سندھ میں 5 لاکھ 65 ہزار 975، خیبرپختونخوا میں 2 لاکھ 15 ہزار 588، بلوچستان میں 35 ہزار 309، گلگت بلتستان میں 11 ہزار 432، اسلام آباد میں ایک لاکھ 34 ہزار 107 جبکہ آزاد کشمیر میں 42 ہزار 825 کیسز رپورٹ ہوئے۔
