کراچی: (ویب ڈیسک) شہر قائد میں تیسری کمشنر کراچی میراتھن ریس 13 فروری کو ہوگی ۔
میراتھن میں مرد و خواتین اور بچوں سمیت خصوصی افراد بھی حصہ لے سکیں گے ، پریس کانفرنس میں کمشنر کراچی میرا تھن پر سوالات کرنے کا اصرار کرتے رہے، صحافیوں کے عوامی مسائل سے متعلق سوالات کا جواب دئیے بنا چلیں گے ۔
کمشنر کراچی اقبال میمن نے پریس کانفرنس میں شہر میں تیسری کمشنر کراچی میراتھن ریس 13 فروری کو منعقد کرنے کا اعلان کیا اور کہا کہ معین خان اکیڈمی سے میراتھن کا آغاز کیا جائے گا ، مرد 10 کلومیٹَر،خواتین 6 کلومیٹر ، بچوں اور خصوصی افراد کیلئے 1 کلو میٹر ریس ہوگی جبکہ فیملیز کیلئے بھی فن ریس کا انعقاد کیا جائے گا۔
پریس کانفرنس کے دوران کمشنر کراچی عوامی مسائل پر بات کرنے سے گریزاں رہے جبکہ صحافیوں سے میراتھن ریس پر بات کرنے کا اصرار کرتے رہے اور صحافیوں کے عوامی مسائل سے متعلق سوالات سے نالاں ہوکر پریس کانفرنس سے اٹھ کر چلے گئے۔
