لوگوں کی امید کھونے سے زیادہ خطرناک کوئی چیز نہیں ہو سکتی: شہباز شریف

پاکستان مسلم لیگ ن کے صدر میاں محمد شہباز شریف نے کہا ہے کہ لوگوں کی امید کھونے سے زیادہ خطرناک کوئی چیز نہیں ہو سکتی۔
سماجی رابطے کی ویب سائٹ ٹویٹر پر اپنے ایک پیغام میں قومی اسمبلی میں اپوزیشن لیڈر نے لکھا کہ لوگوں کی امیدیں کھونے سے زیادہ خطرناک کوئی چیز نہیں ہو سکتی اور افسوس کی بات ہے پاکستان تحریک انصاف (پی ٹی آئی) کی اس نااہل اور کرپٹ ترین حکومت کی وجہ سے لوگ مایوسی کی خطرناک حد کو چھو رہے ہیں۔
اپنے ٹویٹ پر انہوں نے مزید لکھا کہ ہفتہ وار افراط زر کی شرح 17.37 فیصد تک پہنچ گئی ہے۔ غریب عوام مہنگائی کی اس لہر میں اپنے گھر والوں کا پیٹ کیسے پالیں گے؟