وفاقی حکومت نے شوکت ترین کو مشیر بنانے کا فیصلہ کر لیا۔
ذرائع کے مطابق وزیراعظم عمران خان جلد شوکت ترین کی بطور مشیر تعیناتی کی منظوری دینگے ، شوکت ترین بطور مشیر خزانہ ذمہ داریاں جاری رکھیں گے۔
ذرائع کا کہنا ہے کہ اسحاق ڈار کی نشست پر الیکشنز ایکٹ ترمیمی آرڈیننس کا اطلاق نہ ہونے کی وجہ سے شوکت ترین سینیٹر نہ بن سکے ، شوکت ترین کو 6 ماہ کےلئے وفاقی وزیر بنایا گیا تھا۔
اس کے علاوہ وفاقی حکومت نے اسحاق ڈار کی نشست پر سپریم کورٹ سے رجوع کررکھا ہے۔
آئین کے مطابق 6 ماہ کے دوران رکن پارلیمنٹ نہ بننے کی صورت میں عہدہ چھوڑنا لازم ہے۔
واضح رہے کہ وزیر خزانہ شوکت ترین کی بطور وفاقی وزیر مدت آج ختم ہوجائے گی۔
