لاہور (سیاسی رپورٹر سے )وزیراعلیٰ پنجاب سردارعثمان بزدارنے کہا کہ اپوزیشن کا شرانگیز بیانیہ بری طرح پٹ چکا ہے ۔ اپوزیشن عناصر کا دامن کرپشن سے آلودہ ہے ، مایوسی کا شکار یہ ٹولہ عوام کو گمراہ نہیں کرسکتا۔ بدقسمتی سے اپوزیشن نے قومی مفادات کو پس پشت ڈالا ، اپوزیشن نہیں چاہتی کہ پاکستان ترقی وخوشحالی کی منزل طے کرے ۔ اپنے بیان میں انہوں نے کہا کہ ترقی کے سفر میں رکاوٹ ڈالنے کے مذموم عزائم کبھی کامیاب نہیں ہوں گے ۔سازشیں کرنے والے پہلے بھی ناکام رہے اورآئندہ بھی ناکام رہیں گے ۔وزیراعلیٰ پنجاب نے کہا کہ 560 ارب روپے کے سالانہ ترقیاتی پروگرام پر عملدرآمد کیلئے مانیٹرنگ یونٹ بنایا جائے گا۔محکموں کو 31 جولائی تک غیر منظور شدہ سکیموں کو منظور کرانے کی ہدایت کر دی ۔