اسلام آباد: وفاقی وزیرداخلہ شیخ رشید کا کہناہےکہ لاہور دھماکے کے ملزمان کی گرفتاری کے قریب پہنچ گئے ہیں ۔
تفصیلات کے مطابق ٹویٹر پرجاری کیے گئے اپنے بیان میں وفاقی وزیرداخلہ شیخ رشید کا نے کہا ” پولیس نے جوہرٹاؤن دھماکے کی تحقیقات میں زبردست کامیابی حاصل کی ہے اور پنجاب پولیس ملزمان کی گرفتاری کے قریب ہے ۔ پولیس جلد ملزمان کو قانون کی گرفت میں لے کر اچھی خبر سنائے گی ۔
انہوں نے کہا کہ ملک میں انتشار پھیلانے والے ناکام ہوں گے اور پاکستان کبھی کسی دباؤ میں نہیں آئیگا۔ وزیراعظم عمران خان کی حکومت میں سیاسی اور معاشی استحکام آیا ہے ۔ پاکستان کے دشمنوں کو سیاسی و معاشی استحکام ایک آنکھ نہیں بھاتا ۔
وزیرداخلہ کا کہناتھاکہ دشمنوں نے دہشتگردی کے راستے اپنانا شروع کیے ۔ وہ ناکام ہوں گے ۔ عوام پاک فوج کے ساتھ ملکر امن و استحکام اور ترقی کا سفر جاری رکھیں گے ۔
