وزیراعظم عمران خان نے کہا ہےکہ شہباز شریف کے خلاف اربوں روپے کی کرپشن کے کیس ہیں، کسی سے ذاتی مسئلہ نہیں، قومی دولت لوٹنے والوں کو نہیں چھوڑا جا سکتا۔
حکومتی ترجمانوں کے اجلاس میں گفتگو کرتے ہوئے وزیراعظم نے کہاکہ قانون کی حکمرانی کے لیے کسی بھی حد تک جائیں گے، 25 سالہ سیاسی جدوجہد انصاف، قانون کی حکمرانی کی جدوجہد ہے، احتساب اور قانون کی حکمرانی کی جدوجہد جاری رہے گی۔
وزیراعظم نے آئندہ جمعےکو فلسطین پراسرائیلی جارحیت کے خلاف سرکاری سطح پر یوم احتجاج منانے کی تیاری کی ہدایت بھی کی۔
