پاکستان بھر میں شب برات آج (بروز سوموار) انتہائی عقیدت و احترام کے ساتھ منائی جائے گی، خصوصی عبادات کا اہتمام کی جائے گی، سندھ میں تعلیمی ادارے بند رہیں گے ، اہل ایمان نوافل ادا کریں گے اور گڑگڑا کر اپنے رب کے حضور گناہوں اور خطاؤں کی معافی طلب کریں گے ، علما کرام نے بتایا کہ حدیث مبارکہ کے مطابق اللہ تعالی اپنے بندوں پر نظر کرم فرما کر مغفرت فرما دیتے ہیں تاہم شرک کرنیوالا، ناحق قتل کرنے والا، دل میں کینہ رکھنے والا، بدکار، قطع تعلق کرنے والا، ٹخنوں سے نیچے کپڑا لٹکانے والا، والدین کا نافرمان اور شراب پینے والا اس رات بھی اللہ کے نظر کرم سے محروم رہ جاتا ہے ، اس لئے اس شب کی مناسبت سے ان گناہوں سے خصوصی توبہ کرنا چاہیے تاکہ اللہ کی نظر کرم سے محروم نہ رہ جائیں۔ شب برات کے موقع پر ملک بھر کی تمام چھوٹی بڑی مساجد میں محافل اور ذکر کی تقاریب کا اہتمام کیا جائے گا، جس میں علماء کرام، خطیب حضرات اور مقررین شب برات کی فضیلت بیان کریں گے ۔
