لاہور (خبریں، چینل۵ ویب ڈیسک) پنجاب اسمبلی میں پیپلز پارٹی کے پارلیمانی لیڈر حسن مرتضیٰ، ایم پی اے شازیہ عابد اور ن لیگ کی ایم پی اے راحلیہ خادم حسین نے ایڈیٹر خبریں میڈیا گروپ امتنان شاہد سے ان کے دفتر میں ملاقات کی۔ ملاقات کے دوران مہنگائی اور ملکی سیاسی صورتحال اور پی ڈی ایم کے مستقبل کے حوالے سے گفتگو ہوئی۔ حسن مرتضیٰ کا کہنا تھا کہ پی ڈی ایم میں کوئی مسئلہ نہیں ہے جو کچھ بھی ہورہا ہے۔وہ پس پردہ ہے ابھی کچھ نہیں کہا جاسکتا۔ راحلیہ خادم حسین نے کہا کہ مہنگائی حکومت کے کنٹرول میں نہیں رہی ان کا کہنا تھا کہ قائد اعظم کے مزار پر سیاسی نعرے لگانا کوئی بری بات نہیں آخر قائد اعظم بھی تو سیاسی تھے۔
