اسلام آباد: وزیر داخلہ شیخ رشید احمد نے کہا کہ فوج کیخلاف بدزبانی کرنے والوں کیخلاف سخت ایکشن لیا جائے گا اور قانون کے مطابق کارروائی ہو گی۔
وزیر داخلہ شیخ رشید احمد کی پی ڈی ایم اور دیگر سیاسی معاملات پر میڈیا سے غیر رسمی گفتگو کرتے ہوئے کہا کہ مولانا فضل الرحمان کیلئے آج صف ماتم بچھی ہوئی ہے ،پیپلز پارٹی کے فیصلے کے بعد ن لیگ کو بھی الیکشن میں جانا ہو گا ،پی ڈی ایم کے استعفوں کا معاملہ کھٹائی میں پڑ گیا ہے ،شہبازشریف کے معاملہ کا مجھے نہیں پتا ن لیگ کا مسئلہ ہے ،زرداری مفاد اور ذات کیلئے پتے کھیلتا ہے۔
شیخ رشید نے کہا کہ عمران خان نے بہتر کھیلا ہے ، نئے سال میں عمران خان کا ڈنکا بجے گا،عمران خان چھائے گا۔ پی ڈی ایم روز بروز تنزلی کا شکار ہے ،پی ڈی ایم والے اب گھر جائیں گے ۔وزیر داخلہ شیخ رشید نے مزید کہا کہ فوج کیخلاف بدزبانی کرنے والوں کیخلاف سخت ایکشن لیا جائے گا ،مفتی کفایت کیخلاف مقدمہ کا فیصلہ ہواہے ،مفتی کفایت کیخلاف مقدمہ لاہور میں ہوگا ۔
