ویب ڈیسک : الیکشن کمیشن آف پاکستان نے سندھ میں بلدیاتی حلقہ بندیوں کا اعلان کردیا۔
تفصیلات کے مطابق سندھ میں موجودہ بلدیاتی نظام کے خاتمے کے بعدالیکشن کمیشن حرکت میں آگیا، سندھ میں یونین کونسلز،یونین کمیٹیز ،وارڈز کی ازسرنو حلقہ بندیاں کی جائیں گی۔
ذرائع کا کہنا ہے کہ الیکشن کمیشن آف پاکستان کے زیر نگرانی نئی بلدیاتی حلقہ بندیاں ہونگی، نئی حلقہ بندیوں کےبعد سندھ میں بلدیاتی الیکشن کا انعقاد ہوگا۔
الیکشن کمیشن آف پاکستان نے بلدیاتی حلقہ بندیوں کا شیڈول بھی جاری کردیا ہے۔
الیکشن کمیشن کے شیڈول کے مطابق 9 سے22ستمبر تک سندھ بھر میں بلدیاتی حلقہ بندیوں کو مکمل کیاجائےگا۔
الیکشن کمیشن کے مطابق23 ستمبر کو سندھ میں یونین کونسلز،یونین کمیٹیز وارڈز کی ابتدائی حلقہ بندیاں آویزاں کی جائیں گی۔
خیال رہے کہ حلقہ بندیوں کے بعد الیکشن شیڈول کااعلان کیا جائے گا۔
