لاہور (ویب ڈیسک)آج جب پوری دنیا میں ماو¿ں کو سلام پیش کرنے کے لیے مدرز ڈے منایا جا رہا ہے، یہی وجہ ہے کہ پاک فضائیہ نے بھی دنیا کی سب سے زیادہ پیار کرنے والی ہستی ’ماں‘ کو خراج تحسین پیش کیا ہے۔ ماو¿ں کے عالمی دن کے موقع پر پاک فضائیہ کے شعبہ تعلقات عامہ نے ایک پرومو جاری کیا ہے جس میں آنے والی نسلوں کی تربیت میں ماں کے کردار کو سلام عقیدت پیش کیا گیا ہے۔یہ پرومو خصوصی طور پر میڈیکل کے شعبے سے وابستہ ان پاکستانی ماو¿ں کے عزم و حوصلے کو خراج تحسین ہے جو کووڈ 19کے خلاف جنگ میں ہر اول دستے کے طور پر اپنی بے لوث خدمات پیش کر رہی ہیں۔ یہاں یہ امر بھی قابل ذکر ہے کہ خواتین پاک فضائیہ میں دیگر شعبوں کی طرح فضائیہ کی تمام برانچوں میں مردوں کے شانہ بشانہ خدمات سر انجام دے رہی ہیں۔