لاہور: (ویب ڈیسک) بھارت نے بے شرمی اور ڈھٹائی سے بلوچستان میں گزشتہ روز ہونے والی دہشت گرد کارروائی کا اعتراف کرلیا۔ بھارتی ریٹائرڈ میجر گواروو¿ آریا نے دو روز قبل بھارتی ٹی وی چینل پر برملا کہا کہ ہندواڑا کا بدلہ بلوچستان میں لیا جائے گیا اور گزشتہ روز پاک ایران سرحد سے 14 کلومیٹر دور کیچ کے علاقے بلیدا میں دہشت گردوں کی طرف سے دیسی ساختہ بم حملے میں ایک میجر سمیت 6 جوان شہید ہوئے۔ بھارتی میجر ریٹائرڈ گواروو¿ نے پاکستان دشمن بھارتی ٹی وی چینل ٹائمز ناو¿ کے پاکستان دشمن اینکر ارناب گوسوامی کے پروگرام میں ڈھٹائی اور بے شرمی سے کہا کہ ’ہندواڑا کا بدلہ پاکستان میں نہیں بلکہ ہندواڑا کا بدلہ بلوچستان میں لیا جائے گا، اگلے 10 سے 15 دنوں میں آپ دیکھ لو گے، میں بلوچستان کے تمام علیحدگی پسندوں کے ساتھ رابطے میں ہوں، میرے موبائل فون میں بگٹی، مری، مینگل سرداروں کے رابطہ نمبر موجود ہیں، پاکستان کے ساتھ وہ کریں گے جو اس کی دس نسلیں یاد رکھیں گے’۔ بھارتی فوج کے سابق میجر کا مزید کہنا تھا کہ ‘آج میں ٹیلی وڑن پر سب کے سامنے یہ دعویٰ کر رہا ہوں کہ میں بلوچستان کے علحیدگی پسندوں کے ساتھ رابطے میں ہوں، اور ہم پاکستانیوں کی ناک توڑ دیں گے، میرے پاس میرے موبائل فون میں ان کے کانٹیکٹ نمبر موجود ہیں، میں تقریباً ہر روز ان سے رابطے میں رہتا ہوں، بھارت کی ایک ارب 40 کروڑ آبادی بلوچوں کے ساتھ کھڑی ہے’۔ بھارتی ریٹائرڈ میجر گواروو¿ نے بلوچستان میں دہشت گرد کارروائی کی دھمکی دیتے ہوئے پروگرام میں شریک پاکستانیوں سے کہ کہا کہ آج نہیں تو دس سال بعد بلوچستان ایک علیحدہ ملک ہوگا اور آپ لوگوں کو پاسپورٹ لے کر وہاں جانا ہوگا، ایک ارب چالیس کروڑ بھارتی بلوچ علیحدگی پسندوں کے ساتھ کھڑے ہیں’۔ اس دوران ایک بار پھر بھارتی میجر کہتا ہے کہ ‘بگٹی، مری، مینگل، کون سے سردار کا نمبر چاہیے، مجھے بولو میں دوں گا، بلوچستان میں لوکیشن کے ساتھ، جس طرح بنگلا دیش میں جانے کے لیے پاسپورٹ چاہیے، اسی طرح بلوچستان میں جانے کے لیے پاسپورٹ چاہیے ہوگا’۔ بے شرمی اور ڈھٹائی کے ساتھ دھمکی دیتے ہوئے ریٹائرڈ میجر گواروو¿ آریا کہتا ہے کہ ‘ڈیرہ بگٹی میں کون سا ایڈرس چاہیے بتاو¿، بلوچستان کے اندر پاکستانی فوج کا اتنا خون بہے گا کہ کچھ سال بعد پاسپورٹ لے کر جانا پڑے گا’۔ پاکستان کو دھمکانے اور بلوچستان میں دہشت گردی کی پشت پناہی کا اقرار کرنے والے بھارت کے ریٹائرڈ میجر گواروو¿ آریا کو بھارتی اسٹیبلشمنٹ کی آشیرباد حاصل ہے۔ گواروو¿ آریا کو مختلف ویڈیوز اور تصاویر میں بھارتی اعلیٰ فوجی قیادت سے ملتے اور بریفنگ لیتے ہوئے دیکھا جا سکتاہے۔
