لاہور (ویب ڈیسک) : وفاقی وزیر خارجہ شاہ محمود قریشی کی ہمیشرہ قضائے الٰہی سے وفات پا گئیں۔ تفصیلات کے مطابق ترجمان دفتر خارجہ ڈاکٹر فیصل نے بتایا کہ وزیرخارجہ شاہ محمود قریشی کی ہمشیرہ لاہور میں انتقال کر گئیں۔ ترجمان دفتر خارجہ کے مطابق مرحومہ کی نماز جنازہ آج بعد از نماز عصر شام ساڑھے چار بجے آبائی گاو¿ں چک نمبر 44/ایل 15 میاں چنوں میں ادا کی جائے گی۔وزیر خارجہ شاہ محمود قریشی نے ہمشیرہ کی مغفرت اور بلندی درجات کے لیے دعاو¿ں کی درخواست کی ہے۔ ہمشیرہ کے انتقال پر شاہ محمود قریشی کو تعزیتی پیغامات آنے کا سلسلہ شروع ہو گیا ہے۔ یاد رہے کہ وفاقی وزیر خارجہ شاہ محمود قریشی کی ہمشیرہ کچھ عرصہ سے علیل تھیں ، شاہ محمود قریشی نے ہمشیرہ کی صحتیابی کے لیے دعاو¿ں کی اپیل بھی کی تھی لیکن وہ جانبر نہ ہو سکیں اور قضائے الٰہی سے وفات پا گئیں۔
