ڈیل نہیں ہورہی لیکن شہباز شریف دوبارہ رابطے میں ہیں، مریم کے بجائے اب اختیار کس کے پاس ہے؟ شیخ رشید کا بڑا دعویٰ

،اسلام آباد (ویب ڈیسک) وفاقی وزیر ریلوے شیخ رشید نے کہاہے کہ شہباز شریف دوبارہ سرگرم ہوگئے ہیں اور رابطے میں ہیں،ابھی کوئی ڈیل نہیں ہورہی لیکن شہبازشریف رابطے میں ہیں۔شیخ رشید نے کہا کہ ہندوستان پھنس گیاہے ، اب اس کو یہاں سے نکلنے نہیں دینا اور کشمیر کا مسئلہ حل کرناہے۔ انہوں نے کہا کہ مجھے امید ہے کہ وزیر اعظم امریکہ جانے سے پہلے ایک دن پھر کشمیریوں کے ساتھ اظہار یکجہتی کے طورپر منائیں گے۔ 27ستمبر کو اقوام متحدہ کی جنرل اسمبلی کے ساتھ ایک خطاب ہٹلر اور میسولینی کا ہوگا اور ایک خطاب کشمیریوں کے سفیر کا ہوگا۔شیخ رشید کا کہنا تھا کہ مریم نواز کی بجائے دوبارہ شہباز شریف کے پاس اختیار آگیاہے اور اب وہ دوبارہ ایکٹو ہوگئے ہیں اور رابطوں میں ہیں۔ انہوں نے کہا کہ اب تو نواز شریف کی بیماری کی بھی کوئی خبر نہیں آتی،شہباز شریف اب رابطوں میں ہیں ، اس وقت ملک بڑے مشکل وقت میں داخل ہورہاہے ، وزیر اعظم کے اقوام متحدہ سے خطاب کے بعد ایک نئی حکمت عملی سامنے آئیگی۔انہوں نے کہا کہ شہباز شریف دوبارہ سرگرم ہوگئے ہیں اور رابطے میں ہیں،ابھی کوئی ڈل نہیں ہورہی لیکن شہبازشریف رابطے میں ہیں۔