ممبئی(اے پی پی) بالی وڈ اداکارہ دیپیکا پڈوکون اور پرینکا چوپڑا2018ءکی سب سے زیادہ زیر بحث رہنے والی اداکارائیں قرار پا گئیں۔ بھارتی ذرائع ابلاغ کے مطابق یو سی میڈیا لیب، بالاجی موشن پکچرز اور ویا کوم 18موشن پکچرز کی جانب سے جاری کی گئی مشترکہ رپورٹ 2018ءمیں موبائل فونز پر انٹرٹینمنٹ سے متعلق مقبولیت کے گراف، آراءکے تجزیوں اور ترجیحات پر مشتمل ہے جس میں اداکارہ دیپیکا پڈوکون کی 2018ءمیں فلم ”پدماوت“ کی کامیابی اور اداکار رنویر سنگھ سے شادی کی بعد آن لائن پر سب سے زیادہ اس متعلق بات کی گئی جس کے ان کی مقبولیت کے گراف میں اضافہ ہوا جبکہ اداکارہ پرینکا چوپڑا نہ صرف بھارت بلکہ ہالی وڈ میں بھی کافی مقبول ہیں اوروہ 2018ءمیں امریکی گلوکار نک جوناس کے ساتھ شادی کے بعد سب سے زیادہ زیر بحث لائی گئیں۔
