ممبئی(شوبزڈےسک) بالی ووڈ اداکارہ تبو ایک بار پھر اداکار گووندا کی ہیروئن بننے کی خواہش مند نکلیں ۔ ایک بھارتی ٹی وی پروگرام میں بات چیت کرتے ہوئے اداکارہ تبو نے اپنی خواہش کا اظہار کرتے ہوئے کہا کہ انڈسٹری میں گووندا جیسا اعلیٰ پائے کا کوئی اور اداکار نہیں وہ ماضی میں گووندا کے ساتھ ”ساجن چلے سسرال“ اور ”بیوی نمبر1“ جیسی شاندار کامیڈی فلموں میں اداکاری کر چکی ہیں۔ تبو نے کہا کہ گووندا ساتھ اداکاری کرنا انھیں کو کسی اورکے مقابلے میں آسان لگتا ہے ان کی دلی خواہش ہے کہ وہ ایک بار پھر گووندا کی ہیروئن بنیں۔