لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ رضوان کی ٹیم میں شمولیت سے وکٹ کیپنگ مضبوط ہوئی ہے۔شعیب ملک نے ثابت کیا کہ وہ ایک تجربہ کار کھلاڑی ہیں۔چینل فائیو کے پروگرام گگلی میں گفتگو کرتے ہوئے انہوں نے کہا کہ جنوبی افریقہ بہت مضبوط ٹیم مانی جاتی ہے اسے اسی کی گراﺅنڈ میں ہرانا بڑی کامیابی ہے۔شنواری نے بڑی بہتر باﺅلنگ کی۔میں سمجھتا ہوں کیپ ٹاﺅن میں ایسی وکٹ نہیں بنائی جائے گی جو سپنرز کی مدد کرے کیونکہ سب کو پتہ ہے پاکستان کے پاس اچھے سپنرز ہیں۔ٹاس جیت کر پچ کے مطابق فیصلہ کیا جاتا ہے کہ پہلے باری لی جائے یا مقابل ٹیم کو کھیلنے کی دعوت دی جائے۔میرے خیال میں ابتدائی تین کھلاڑیوں کی کارکردگی میچ کا رخ موڑ سکتی ہے ۔حسن علی بھی اتنا زیادہ طاقتور باﺅلنگ نظر نہیں آ رہا البتہ وہ بیٹنگ میں سکور کر جاتا ہے۔مکی آرتھر اور انضمام چاہتے ہیں سرفراز ہی کپتان رہیں۔