دوحا(ویب ڈیسک) وزیراعظم عمران خان نے کہا ہے کہ مجھے دباﺅ میں کھیلنا آتا ہے، میانداد اورعمران خان وکٹ پر کھڑے ہیں عوام کو پریشان ہونے کی ضرورت نہیں۔دوحا میں پاکستانی کمیونٹی سے بات کرتے ہوئے وزیراعظم عمران خان کا کہنا تھا کہ بیرون ملک پاکستانیوں کو روزگار کے لیے بہت مشکلات کا سامنا کرنا پڑتا ہے، اوورسیز پاکستانیوں کی بہت قدر کرتا ہوں، یہی لوگ اصل ہیرو ہیں، پاکستان کے ولن وہ لوگ ہیں جو ملک سے پیسہ چوری کرکے باہر بھیجتے ہیں، ڈالرزکی کمی سے ملکی روپیہ گرتا ہے۔عمران خان کا کہنا تھا کہ جب ملک سنبھالا تو 20 رنز پر4 آﺅٹ ہوچکے تھے لیکن مجھے دباﺅ میں کھیلنا آتا ہے، میانداد اورعمران خان وکٹ پرکھڑے ہیں، عوام کو پریشان ہونے کی ضرورت نہیں۔
