پتایا(آئی این پی) ایشین جونیئراسکواش چیمپئین شپ میں پاکستان روایتی حریف بھارت کو شکست دیکر چیمپئین بنا گیا۔پاکستان جونیئراسکواش ٹیم نے فائنل میں بھارت کو2-0سے شکست دی۔پاکستان کے فرحان ہاشمی نے بھارت کے ویر چوہڑانی جبکہ پاکستان کے عباس زیب نے بھارت کے اتکرش بیہانی کو فائنل میں شکست دی ،چیمپیئن شپ کا ٹائٹل جیتنے پر قومی کھلاڑیوں نے پاکستان زندہ باد کے نعرے لگائے ۔تیسری پوزیشن کیلئے کھیلے گئے میچ میں ملائیشیا نے ہانگ کانگ کو ہرا کر کانسی کا تمغہ حاصل کیا۔تفصیلات کے مطابق تھائی لینڈ کے شہر پتایا میں جاری 19ویںایشین جونیئراسکواش چیمپئین شپ میں پاکستان نے عمدہ کارکردگی کا مظاہرہ کیا اورفائنل میں روایتی حریف بھارت کو 0-2سے شکست دے کر چیمپئین شپ جیت لی۔فائنل میں پاکستانی پلیئرز فرحان ہاشمی اور عباس زیب نے شاندار کھیل کا مظاہرہ کیا۔پہلے فائنل میں فرحان ہاشمی کے بھارت کے ویر چوہڑانی کیخلاف 2-3سے فتح حاصل کی۔فرحان ہاشمی نے ویر چوہڑانی کو11-2،11-9،7-11،5-11 اور11-9سے شکست دی ۔دوسرے فائنل میںعباس زیب نے جارحانہ کھیل کا مظاہرہ کرتے ہوئے بھارت کے اتکرش بیہانی کیخلاف 0-3گیم سے فتح حاصل کی ۔عباس زیب نے بھارت کے اتکرش بیہانی کو11-4،11-2اور11-6سے شکست دی ۔ چیمپیئن شپ کا ٹائٹل جیتنے پر کھلاڑیوں کے پاکستان زندہ باد کے نعرے لگائے۔قبل ازیں پاکستان نے ہانک کانگ کو دو صفر سے شکست دے کر فائنل تک رسائی حاصل کی۔پاکستان کے فرحان ہاشمی اور عباس زیب نے حریف کھلاڑیوں کو زیر کیا۔واضح رہے کہ پاکستانی کھلاڑیوں نے فتوحات کا شاندار سلسلہ جاری رکھتے ہوئے اپنے پانچوں مقابلوں میں چین، تائپے، سری لنکا، کوریا اور بھارت کے کھلاڑیوں کو شکست دینے کے بعد سیمی فائنل میں ہانگ کانگ کو بھی ہرا کر پول اے کی فہرست میں نمایاں مقام حاصل کیا۔
