کیلیفورنیا (شوبزڈیسک ) گولڈن گلوب ایوارڈ کی رنگارنگ تقریب آج پیر کو امریکی شہر کیلیفورنیا میں منعقد کی جائے گی۔ 76 ویں گولڈن گلوب ایوارڈز کی تقریب کی میزبانی سینڈرہ اوہ اور ایڈم سیمبرگ کریں گے، تین فلمیں سب سے زیادہ کیٹیگریز کے لیے نامزد ہیں۔ بہترین ڈراما فلم کے لیے فلم بلیک پینتھر، اے؛ اسٹار از بورن، اف بیل اسٹریٹ کڈ ٹاک، بوہیمیان رافسوڈی اوربلیک کلینسمین کی نامزدگی ہے۔بہترین اداکارہ کے لیئے فلم اے؛ اسٹار از بورن سے لیڈی گاگا، فلم ڈسٹرائیرسے نکول کیڈمن، دی وائف سے گلین کلوز، کین یو ایور فورگیو می سے اداکارہ میلیسا مک کارتھی اور اے؛ پرائیویٹ وار سے روزامنڈ پائک کو نامزد کیا گیا ہے۔بہترین اداکار کے لیے اے؛ اسٹار از بورنکے بریڈلے کوپر، فلم ایٹ ایٹرنیٹی گیٹ کے ولیم ڈافو، اور فلم بلیک کلینسمین کے جان ڈیوڈ واشنگٹن کی نامزدگی سرفہرست ہے۔
