سرینگر(اے این این ) نیشنل کانفرنس کے صدر اور رکن پارلیمان ڈاکٹر فاروق عبداللہ نے ایودھیا معاملے پر ہرزہ سرائی کرتے ہوئے کہا کہ دونوں فریقین کو مل بیٹھ کر مسئلے کا حل تلا ش کرنا چاہیے تاہم انہوں نے صاف کردیا کہ اگر ایودھیا کی زمین پر بابری مسجد کی رام مندر تعمیر ہوتا ہے تو اس کے لیے میرا بھر پور تعاون شامل رہے گا اور وہاں جاکر خود ایک پتھر لگاﺅں گا۔ اپنے ایک بیان میں نیشنل کانفرنس کے صدر اوررکن پارلیمان ڈاکٹر فاروق عبداللہ نے متنازعہ ایودھیا معاملے پر رائے زنی کرتے ہوئے کہا کہ دونوں فریقین کو دوستانہ ماحول میں مل بیٹھ کر مسئلے کا حل تلاش کرنا چاہیے۔ایودھیا میں رام مندر کے متنازعہ معاملے سے متعلق ڈاکٹر فاروق عبداللہ نے رام مندر قضیہ کا فوری حل تلاش کرنے پر زور دیتے ہوئے کہا کہ دونوں فریقین مسلمان اور ہندوﺅں کو مل بیٹھ کر بات چیت کے ذریعے حل تلاش کرنا چاہیے۔ انہوں نے کہا کہ دونوں فریقین پر زور دیا کہ وہ عدالت کی طرف رجو ع کرنے کے بجائے آپس میں مل بیٹھ کر ایک قابل قول حل تلاش کرے۔
