ٹورنٹو(شوبزڈےسک ) کینیڈا میں انتقال کرنے والے اداکار قادر خان کے نمازِ جنازہ میں بالی ووڈ کی کسی بھی شخصیت نے شرکت نہیں کی۔تفصیلات کے مطابق لیجنڈری اداکار قادر خان کا نماز جنازہ کینیڈا کے شہر ٹورنٹو کی مسجد میں بدھ کے روز ادا کیا گیا جس میں ان کے مداحوں اور عزیزواقارب نے بڑی تعداد میں شرکت کی۔اس موقع پر مرحوم کے صاحبزادے سرفراز خان نے نماز جنازہ میں شرکت کرنے والوں کا شکریہ ادا کیا اور کہا کہ میرے والد نے ہمیشہ دوسروں کا احترام اور عزت کرنے کا درس دیا، قادر خان اپنے مداحوں سے بہت زیادہ پیار کرتے تھے۔ اداکار کی تدفین ٹورنٹو شہر میں واقع قبرستان میں کی گئی۔نماز جنازہ میں کسی بھی شوبز شخصیت کی عدم شرکت پر سرفراز کا کہنا تھا کہ میرے والد نے بالی ووڈ انڈسٹری کے لیے بہت کام کیا، وہ اپنے ساتھی فنکاروں اور انڈسٹری سے مخلص تھے۔
