ممبئی (شوبز ڈیسک) بالی ووڈ اداکار رنویر سنگھ اور سارہ علی خان کی نئی فلم سمبا نے شائقین کا دل جیت لیا‘ اب تک 122 کروڑ سے زائد کا بزنس کرلیا ہے۔ بھارتی میڈیا رپورٹس کے مطابق فلم نے باکس آفس پرریکارڈ توڑ دیا ہے۔ فلم سمبا نے اپنے ریلیز ہونے سے اب تک بھارت بھر سے ایک سو بائیس جبکہ دنیا بھر سے 39.85 کروڑ کا شاندار بزنس کرلیا ہے۔ روہت شیٹی کی ہدایتکاری میں بننے والی اس فلم میں رنویر سنگھ اور سارہ خان مرکزی کردار ادا کررہے ہیں ۔ واضح رہے سمبا 28دسمبر کو سینما گھروں میں نمائش کیلئے پیش کی گئی تھی۔
