لاہور(شوبز ڈیسک ) گلوکارہ حمیرا ارشد نے کہا ہے کہ گلوکاری دل سے نہ کی جائے تو کامیابی ملنے کا سوال ہی پیدا نہیں ہوتا جھوٹ سے سخت نفرت کرتی ہوں اور سچے لوگوں کی قدر اور ان کا حوصلہ بڑھاتی ہوں بھارت میں فی الحال گلوکاری کیلئے جانے کا کوئی شوق نہیں۔ خصوصی گفتگو کرتے ہوئے گلوکارہ حمیرا ارشد نے کہا کہ صرف پاکستان نہیں بیرونی دوروں کے حوالے سے بھی آج کل انتہائی مصروف شیڈول ہے اور کوشش کرتی ہوں کہ جس سے بھی وعدہ کروں اس کو پورا کیا جائے کیونکہ مجھے وعدہ خلاف اور جھوٹ بولنے والوں سے سخت نفرت ہے۔ ایک سوال کے جواب میں ان کا کہنا تھا کہ مجھے بھارتی فلموں اور وہاں جا کر گلوکاری کرنے کا فی الحال کوئی شوق نہیں بلکہ اپنے ملک میں ہی رہنا چاہتی ہوں۔
