اسلام آباد/ لاہور( این این آئی) چیئرمین نیب جسٹس (ر)جاوید اقبال نے افسران و ملازمین کی سیاسی شخصیات سے ملاقاتوں پر پابندی عائد کردی ۔نجی ٹی وی کے مطابق افسران و ملازمین کی سیاسی شخصیات سے ملاقاتیں ضابطہ اخلاق کے خلاف ہیں۔چیئرمین نیب کی پیشگی منظوری کے بغیر سیاسی شخصیات سے ملاقاتیں ٹی سی ایس رولز 2002 کی بھی خلاف ورزی ہے۔نیب ٹی سی ایس رولز کی خلاف ورزی پر متعلقہ افسر یا ملازم کو برطرف کیا جاسکتا ہے۔ کسی بھی سیاسی شخصیت کی جانب سے ملاقات کیلئے رابطہ کرنے پر چیئرمین نیب سے منظوری لازمی حاصل کی جائے۔واضح رہے کہ چیئرمین نیب کی ہدایت پر تمام بیوروز کو مراسلہ ارسال کردیا گیا ہے۔