لاہور(شوبز ڈیسک) اداکار احسن خان ڈرامہ سیریل الف کی ریکارڈنگ کیلئے نتھیا گلی پہنچ گئے ہیں جہاں انھوں نے اداکارہ کبری خان کے ساتھ شوٹنگ میں حصہ لیا۔ دونوں اداکار ڈرامہ الف میں مرکزی کردار ادا کر رہے ہیں۔سیریل کے ہدایتکار حسیب حسن، رائٹرعمیرہ احمد ، پروڈیوسر ثنا شاہنوازاور ثمینہ ہمایوں سعید ہیں جبکہ دیگرکاسٹ میں حمزہ علی عباسی، سجل علی،کبری خان، صدف کنول، منظرصہبائی اور چائلڈسٹار حسن شامل ہیں۔ ڈرامے کی شوٹنگ کے دوران کبری خان نے کہا کہ احسن خان کا شمار پاکستان کے نامور اداکاروں میں ہوتا ہے، وہ میری رہنمائی بھی کرتے ہیں جس سے میرے کام میں نکھار بھی آ رہا ہے اور اعتماد میں اضافہ بھی ہو رہا ہے۔اس موقع پر احسن خان نے کہا کہ الف موضوع کے حوالے سے منفرد ڈرامہ سیریل ہو گی، ڈرامہ کے ڈائریکٹر بھرپور محنت کر رہے ہیں، نتھیا گلی میں سردی بہت ہے تاہم ہم موسم انجوائے کر رہے ہیں۔
