واشنگٹن (خصوصی رپورٹ) ٹرمپ انتظامیہ پاکستان کو مزید دباو میں لانے کے لیے اس پر مالی اور اقتصادی پابندیوں کا اطلاق کر سکتی ہے۔ سفارتی حلقوں کا کہنا ہے کہ اس سلسلے میں ہوم ورک مکمل کیا جا رہا ہے پاکستان پہلے ہی مالی مشکلات کا شکار ہے اور امریکہ اس موقع سے بھرپور فائدہ اٹھاتے ہوئے ایف ٹی ایف کی بلیک لیسٹ کی تلوار کا خوف اسلام آباد پر رکھنا چاہتا ہے تاکہ وہ حقانی نیٹ ورک، لشکر طیبہ اور جیش محمد گروپوں کے خاتمہ کیلئے ویسے ہی اقدام کرئے جسطرح نائن الیون کے آغاز میں کیے تھے سابق امریکی سفارتکار ڈیوڈ سیڈنی نے اس بات کی تصدیق کرتے ہوئے کہا ہے کہ امریکہ مجبوری کے عالم میں پاکستان پر مالی پابندیاں عائد کر سکتا ہے۔ ایف ٹی ایف کی بلیک لیسٹ میں اگر پاکستان شامل ہو جاتا ہے تو پھر اسکے لیے مزید پریشانیاں پیدا ہونگی۔
