لاہور(شوبز ڈیسک) گلوکارنوید یعقوب نے جگن کاظم کے مارننگ شو میں شرکت کرکے پروگرام میں پرفارمنس دے کر چار چاند لگا دیئے۔ وہ گزشتہ روز پی ٹی وی ہوم کے مارننگ شو میں شریک ہوئے جہاں دوسرے مہمانوں کے ساتھ انہوں نے اپنے چار گیتوں کی پرفارمنس دی ۔ انہوں نے مہدی حسن کے گائے گیت ” تیرے بھیگے بدن کی خوشبو سے “ کو گا کر ناظرین کی توجہ اپنی طرف مبذول کرالی تھی ۔ پھر انہوں نے سجاد علی کا گایا ” لگایا دل“نصرت فتح علی کا گایا گیت ” جانیا‘ تیرے بنا نہیں لگدا دل میرا ڈھولنا“اور ایک ان کا اپنا تیار کردہ گیت ”عشقاں دے مارے“ گا کر بے حد داد وصول کی ۔ انہوں نے بتایا کہ وہ گزشتہ دس برس سے گلوکاری کے میدان میں ہیں اور ان کے گیتوں کی بیسیوں وڈیوز منظر عام پر آ کر داد تحسین سمیٹ چکی ہیں۔ انہوں نے مزید کہا کہ وہ ایک اور البم کی تیاریوں میں ہیں جو آئندہ سال میں ریلیز ہو گی۔
