کراچی(شوبزڈیسک)فیشن ڈیزائنر انزیلہ امتیاز نے کہا ہے کہ فیشن کی دنیا میں جدید طرز کے ملبوسات کی ڈیمانڈ میں دن بدن اضافہ ہورہا ہے۔ بیرون ممالک کی طرح اب ملک میں بھی برانڈڈ ملبوسات کو ترجیح دی جانے لگی ہے۔ان خیالات کا اظہار انہوں نے آر آئی اے برانڈ کے تعارفی فیشن شو میں خصوصی گفتگو کرتے ہوئے کیا۔ شو آرگنائزر ٹیک ٹو کی تہمینہ خالد نے کہا جدید دور میں نت نئے فیشن کی آمد خوش آئند امر ہے ،ملکی برانڈ کو پروموٹ کرنا ہمارا مشن ہے جس میں فنکاروں کی خصوصی دلچسپی دیکھ کر ہمیں احساس ہوگیا ہے کہ پاکستانی برانڈ ز کو اب غیر ملکی برانڈز پر ترجیح دی جانے لگی ہے بعدازاں نادیہ حسین ، صائمہ ہارون ، سبرینا فرقان، رباب مقصود، سونیا ودیگر ماڈلز نے انزیلہ امتیاز کے تیارکردہ ملبوسات کی کیٹ واک کرکے نمائش کی۔
فیشن شو میں حنا لطیف، ر انا آصف ، عروا یوسف، نبیل یوسف، نول ویرانی، نازنین طارق و دیگر نے شرکت کی۔
