ملتان (مانیٹرنگ ڈیسک) آسیہ کو ملتان جیل سے رہا کر دیا گیا ہے۔ نجی ٹی وی کے مطابق جیل ذرائع کا کہنا ہے کہ آسیہ کی روبکار بدھ کے روز ویمن جیل ملتان کو حاصل ہوئی تھی اور اسے قانونی طریقہ کار کے مطابق رہا کیا گیا ہے۔ آسیہ کی رہائی کے موقع پر نیدر لینڈ کے خصوصی ایلچی بھی اسے لینے آنے والوں میں موجود تھے۔ اس موقع پر تمام روٹ پر سکیورٹی کے سخت انتظامات کئے گئے تھے۔ نیدر لینڈ کے خصوصی ایلچی اسلام آباد سے خصوصی طیارے سے ملتان پہنچے اور آسیہ کو لے کر اسلام آباد چلے گئے۔
