ممبئی (شوبزڈیسک) بالی ووڈ اداکارہ انوشکا شرما نے اپنے شوہر ویرات کوہلی کی سالگرہ کے موقع پر انہیں خوبصورت انداز میں سالگرہ کی مبارک باد د یتے ہوئے خدا کا شکر ادا کیا۔ سماجی رابطے کی ویب سائٹ ٹوئٹر پر اداکارہ انوشکا شرما نے ویرات کوہلی کی 30 ویں سالگرہ کے موقع پر ان کےلئے ایک خوبصورت پوسٹ جاری کیا جس میں انہوں نے اپنی اور ویرات کی تصویر شیئرکرتے ہوئے لکھا کہ ان کی پیدائش کے لیے خدا کا شکر ہے۔ جبکہ ویرات نے بھی اپنی اور اہلیہ کی تصویر ٹوئٹر پر جاری کرتے ہوئے انوشکا میری زندگی، میری دنیا قرار دیا۔ یاد رہے انوشکا شرما کا تعلق بالی وڈ سے ہے جبکہ ویرات کوہلی بھارتی کرکٹرز میں اہم کھلاڑی مانے جاتے ہیں۔
