لاہور(شوبزڈیسک)ماڈل اقرا اور رباب حفیظ نے گلبرگ کے علاقہ میں میک اپ سٹو ڈیو کھول لیا۔ گزشتہ روز اس کا افتتاح میلوڈی کوئین شاہدہ منی کے ہاتھوں سے ہوا۔ تقریب میں اقرا ‘ رباب حفیظ اور ان کی والدہ ‘ ڈائریکٹر اور پروڈیوسر جرار رضوی‘ عمران شہزادہ‘ رضوان زیور بھی موجود تھے ۔اس کے علاوہ بہت سی سلیبرٹیز نے شرکت کی بیوٹیشن روبی شہزاد‘ شہلا چودھری ‘ گلوکار مظہر راہی‘ ناصر بیراج اور دیگر موجود تھے اس تقریب کو اے ایم پروڈکشنز کے سی ای او اویس ملک نے آرگنائز کیا۔مہمان خصوصی شاہدہ منی نے کہا کہ شہر میں ایسے بہت سے میک اپ سٹوڈیوز کی ضرورت ہے اور میں نے اس کا وزٹ کیا ہے یہ ایک جدید اور معیاری سٹوڈیو ہے۔میں اس کی کامیابی کیلئے دعا گو ہوں۔سٹوڈیو کی اونر اقرا نے بتایا کہ اس میں ہئیر ایکسپرٹس ‘ میک اپ ایکسپرٹس ‘ مساج ایکسپرٹس اور نیل ایکسپرٹس کو اکٹھا کر دیا ہے ۔
