اسلام آباد (مانیٹرنگ ڈیسک) وزیراعظم عمران خان نے وفاقی کابینہ کا خصوصی اجلاس آج صبح 9 بجے طلب کر لیا ہے جس میں نئی بجٹ تجاویز منظوری کیلئے پیش کی جائیں گی۔ نجی ٹی وی کے مطابق وفاقی وزیر خزانہ اسد عمر، سیکرٹری اور دیگر حکام وفاقی کابینہ کو بریفنگ دیں گے جبکہ ایف بی آر میں اصلاحات، ٹیکس، سلیبس میں تبدیلی پر بھی کابینہ کو اعتماد میں لئے جانے کا امکان ہے۔ ذرائع کے مطابق ایف بی آر وصولیوں کے نئے اہداف اور ٹیکس حجم بڑھانے کی حکمت عملی پر برییفنگ دے گا اور وفاقی کابینہ سے منظوری کے بعد نئی بجٹ تجاویز کو قومی اسمبلی کے اجلاس میں پیش کیا جائے گا۔
