لاس اینجلس (شوبزڈیسک )امریکی عدالت نے 38 سالہ معروف امریکی پاپ گلوکار نک کارٹر کو ڈیڑھ دہائی قبل ایک اداکارہ کو مبینہ طور پر ریپ کا نشانہ بنانے کے مقدمے میں بری کردیا۔نک کارٹر پر الزام تھا کہ انہوں نے آج سے 15 سال قبل اداکارہ و گلوکارہ میلیسا شومین کا ریپ کیا تھا۔ نک نے ہمیشہ سے ہی ریپ الزامات کو مسترد کیا تاہم 33 سالہ میلیسا شومین نے ان کیخلاف 2 سال قبل مقدمہ درج کروایا تھا۔ نک کارٹر کیخلاف لاس اینجلس کی عدالت میں مقدمہ زیر سماعت رہا، تاہم عدالت نے گلوکار کیخلاف ریپ الزامات کے تحت فرد جرم عائد کرنے کا مقدمہ خارج کردیا۔ دوسری جانب میلیسا شومین نے عدالتی فیصلے پر افسوس کا اظہار کرتے ہوئے کہا وہ ریاست کیوجہ سے انصاف حاصل کرنے میں ناکام رہیں۔
