جان سینا ڈبلیو ڈبلیو ای کے مقبول ترین ریسلرز میں سے ایک ہیں جن کے چاہنے والوں کی تعداد پاکستان میں بھی کم نہیں مگر آج کل فلمی اور ٹی وی مصروفیات کی بناء پر ریسلنگ کے رنگ سے دور ہیں۔یہی وجہ ہے کہ وہ رنگ میں ایکشن میں نظر نہیں آرہے، تاہم اس عرصے کے دوران ریسلر میں حیران کن تبدیلی آئی ہے۔16 بار ڈبلیو ڈبلیو ای ورلڈ چیمپئن رہنے والے جان سینا اپریل میں سعودی عرب میں ہونے والے ایونٹ گریٹسٹ رائل رمبل میں آخری بار ٹرپل ایچ کے مدمقابل نظر آئے تھے۔مگر اب ان کے نئے انداز کی تصاویر انٹرنیٹ پر وائرل ہوچکی ہیں جو گزشتہ دنوں انہوں نے ٹوئٹر پر پوسٹ کی تھیں۔