مالا پرم،کیرالہ(نیٹ نیوز) سیلاب سے بے گھر ہونے والے ہندو متاثرین کو ضلع مالاپرم کی ایک مسجد میں پناہ دی گئی ہے۔ ہندوستان ٹائمز کے مطابق مسلمانوں نے سیلاب میں متاثرہ دو مندروں کی صفائی میں بھی مدد کی ہے۔ شمالی مالاپرم کے گاﺅں چھلیانہ کی جامعہ مسجد متاثرین کیلئے امدادی کیمپ کی شکل اختیار کر گئی ہے۔ بچوں، عورتوں اور بوڑھوں پر مشتمل 17 ہندو خاندانوں کو مسجد میں سونے کی جگہ دی گئی ہے جبکہ انہیں واپسی پر تیار کھانا، چاول، دالیں اور دیگر ضروریہ اشیاءفراہم کی گئیں۔ گاﺅں کی پنچایت کے سربراہ کے مطابق مسجد میں پناہ لینے والے 78 متاثرین میں اکثریت ہندوﺅں کی تھی۔
