لاہور(اے این این) پاکستان مسلم لیگ (ن)کے رہنما خواجہ سعد رفیق کا کہنا ہے کہ گالیوں اورسازشوں کے باوجود پنجاب میں(ن)لیگ کا ووٹ بینک نہیں توڑا جاسکا،نوازشریف اوران کی صاحبزادی کے ساتھ جورویہ رکھا گیا ہے اس نے (ن)لیگ کے کارکنوں کومزید غیرمتزلزل بنا دیا ہے، عمران خان بنیادی طور پر سیاست دان نہیں ہیں۔لاہورمیں پریس کانفرنس کے دوران سعد رفیق نے کہا کہ انتخابی مہم اب اپنے آخری مراحل میں داخل ہوچکی ہے، پہلی مرتبہ ایسا ہوا ہے کہ انتخابی مہم میں ہمیں شکایات کا سامنا نہیں کرنا پڑرہا، عوام نظریاتی بنیادوں پرووٹ ڈالنے کیلئے تیارہیں، زہریلے پراپیگنڈے اورسازشوں کے باوجود لاہور اورپنجاب میں مسلم لیگ (ن) کا ووٹ بینک توڑا نہیں جا سکا۔ نوازشریف اوران کی صاحبزادی کے ساتھ جورویہ رکھا گیا ہے اس نے (ن)لیگ کے کارکنوں کومزید غیرمتزلزل بنا دیا ہے، ہم لاہور سے قومی اسمبلی اور صوبائی اسمبلی کی تمام نشتیں جیتیں گے۔سعد رفیق نے کہا کہ عمران خان بنیادی طور پر سیاست دان نہیں ہیں، ایک ہی رات میں 30،30 ہزار بینرلگا ئے جا رہے ہیں ،الیکشن کمیشن پی ٹی آئی کی انتخابی مہم کے اخراجات کا نوٹس لے۔ پی ٹی آئی والے اپنے جلسوں کیلئے ادھر ادھر سے لوگ اکٹھے کررہے ہیں، بسیں اور دیگیں بھیج کر بھی پی ٹی آئی کارکن اکٹھے نہیں ہورہے، گالی کی سیاست کچھ نہیں دیتی، گالیوں اور سازشوں کے باوجود پنجاب میں (ن) لیگ کا ووٹ بینک نہیں توڑا جاسکا۔ پی ٹی آئی کی قیادت سے درخواست ہے کہ ہوش کے ناخن لیں اور اپنے کارکنوں کو اشتعال پھیلانے سے روکے۔دوسری جانب پاکستان تحریک انصاف کے رہنما علیم خان خواجہ سعدرفیق کی پریس کانفرنس پر ردعمل دیتے ہوئے کہا ہے کہ کا کہنا ہے کہ ن لیگ الیکشن جیتے توغیرمتنازعہ،ہارجائے تومتنازعہ ہوتاہے،لاہور سے 14 سیٹیں جیتناایک دیوانے کے خواب کے سواکچھ نہیں۔انہوںنے کہا کہ آپ نے سرکاری زمینوں پرقبضے اورپیراگون سٹی کاحساب دیناہے اب آپ کے پاس انتظامی مشینری نہیں اورنہ ہی وفاقی وصوبائی حکومت ہے،اب آپ بیساکھیوں کے بغیرالیکشن لڑیں گے، الیکشن بغیرانتظامیہ کے لڑناپڑے گااس لیے اوسان خطاہیں۔پی ٹی آئی رہنماعلیم خان کامزید کہنا تھا کہ(ن)لیگ کی سیاسی حالت 2002 سے بھی بری ہے، ن لیگ الیکشن جیتے توغیرمتنازعہ،ہارجائے تومتنازعہ ہوتاہے،لاہور سے 14 سیٹیں جیتناایک دیوانے کے خواب کے سواکچھ نہیں۔واضح رہے کہ خواجہ سعد رفیق نے پریس کانفرنس میں دعوی کیا تھا کہ این اے 131سے عمران خا ن کو شکست دیں گے اور مسلم لیگ(ن)لاہور کی تمام نشستوں سے کامیاب ہو گی ۔
