نیو یارک (ویب ڈیسک)امریکی ماڈل و ٹی وی سلیبرٹی کلوئی کارڈیشین کے ہاں پہلی بچی کی پیدائش ہوگئی۔خیال رہے کہ کلوئی کارڈیشین نے اپنے امید سے ہونے کی خبر 6 ماہ تک خفیہ رکھی تھی۔انہوں نے اپنے امید سے ہونے کا اعلان گزشتہ برس 26 دسمبر کو اس وقت کیا، جب وہ ایک ہفتے بعد 6 ماہ کے حمل سے ہونے والی تھیں۔اگرچہ کلوئی سے قبل ہی ان کی والدہ کرس جینر نے ان کے امید سے ہونے کی خبر کی تصدیق کی تھی، اور انہوں نے ان کے ہاں بیٹی کی پیدائش کی خبر کی بھی انسٹاگرام پر تصدیق کی۔33 سالہ کلوئی کارڈیشین کے ہاں گزشتہ روز بیٹی کی پیدائش ہوئی، جس کا تاحال کوئی نام نہیں رکھا گیا۔یہ بھی پڑھیں: کلوئی کارڈیشین نے امید سے ہونے کی خبر 6 ماہ تک خفیہ رکھی لاوہ ازیں کارڈیشین خاندان کے ریئلٹی شو ’کیپنگ اپ ود دی کارڈیشیزن‘ کے پروڈیوسر نے بھی کلوئی کو بیٹی کی پیدائش پر مبارکباد پیش کی۔ادھر پیپلز میگزین نے اپنی خبر میں بتایا کہ جب کلوئی کارڈیشین کے ہاں بچی پیدا ہوئی اس وقت ان کے پارٹنر باسکٹ بال کے امریکی کھلاڑی ترسن تھومپسن بھی وہاں موجود تھے۔ خبر کے مطابق کلوئی کارڈیشین کو بیٹی کی پیدائش کی سب سے پہلی مبارک ان کی سوتیلی بہن کایلی جینر نے دی، جن کے ہاں بھی 2 ماہ قبل بیٹی ہوئی تھی۔خیال رہے کہ 33 سالہ کلوئی کارڈیشین معروف امریکی ٹی وی پرسنالٹی کم کارڈیشین اور کارٹینی کارڈیشین کی بہن جب کہ کایلی جینر کی سوتیلی بہن ہیں۔کلوئی کارڈیشین نے پہلی شادی باسکٹ بال کے کھلاڑی لمر اوڈم سے کی، جن سے انہوں نے 2016 میں طلاق لے لی، انہوں نے طلاق لینے کے لیے 2013 میں عدالت میں درخواست دائر کی تھی، تاہم اس کا حتمی فیصلہ تین سال بعد ہوا۔اداکارہ کے گزشتہ ڈیڑھ سے 2 سال سے باسکٹ بال کے امریکی کھلاڑی ترسن تھومپسن کے ساتھ تعلقات ہیں، ان کے پارٹنر کا شمار معروف اور مہنگے ترین کھلاڑیوں میں ہوتا ہے۔
