لندن(اے پی پی) بھارتی کرکٹرز ویرات کوہلی اور متھالی راج وزڈن کرکٹرز آف دی ایئر ایوارڈز میں بالترتیب دنیا کے بہترین مینز اینڈ ویمنز کھلاڑی قرار پائیں، ویرات کوہلی مسلسل دو بار ایوارڈ حاصل کرنے والے دوسرے بھارتی کرکٹر ہیں، اس سے قبل وریندر سہواگ نے 2008ءاور 2009ءمیں مسلسل دو مرتبہ سال کے بہترین کھلاڑی ہونے کا اعزاز حاصل کیا تھا، افغانستانی سپنر راشد خان ٹی ٹونٹی کے بہترین کھلاڑی کا ایوارڈ لے اڑے، انگلینڈ ویمن ٹیم کی تین کھلاڑی ہیتھرنائٹ، نتالی سکیور اور آنیا شربسول سال کی بہترین کھلاڑیوں کی فہرست میں شامل ہیں۔ وزڈن کرکٹرز المناک نے سال کے بہترین کھلاڑیوں کا اعلان کر دیا، سٹار بھارتی بلے باز ویرات کوہلی دنیا کے بہترین کھلاڑی قرار پائے جبکہ ان کی ہم وطن کھلاڑی متھالی راج نے ویمنز کرکٹرز آف دی ایئر ایوارڈ جیت لیا، افغانستان کے مایہ ناز سپنر راشد خان ٹی ٹونٹی کے بہترین کھلاڑی قرار پائے۔
