پسرور (تحصیل رپورٹر) پسرور کے نواحی گاﺅں مہار میں سعودیہ پلٹ محنت کش ذوالفقار علی ولد محمد بشیرجٹ مہار کی شادی 10سال قبل موضع چندھڑ میں (پ) سے ہوئی تھی مگر ان کے ہاں کوئی اولاد نہ ہوسکی جس پر ذوالفقار علی نے 3سال قبل دوسری شادی موضع جاجووالی ضلع نارووال کی رہائشی مسماة (ص) سے کرلی دوسری بیوی سے اس کا بیٹا پیدا ہوا جس کے بعد محنت کش روزگار کے سلسلہ میں سعودی عرب چلا گیا اس دوران اسے مبینہ طور پر پہلی بیوی اور اہل دیہ نے اطلاع دی کہ اس کی بیوی سوشل میڈیا پر آن لائن رہتی ہے اور اجنبی لڑکوں سے چَیٹ کرتی ہے اس نے اپنی تصاویر بھی شیئر کررکھی ہیں جس پر ذوالفقار نے واپس آکر اپنی دوسری بیوی (ص) کا موبائل فون چیک کیا اور قابل اعتراض میسجز دیکھ کر طیش میں آگیا ان نے ص پر تشدد شروع کردیا اور مبینہ طور پر کسی سے وار کرکے اس کی ایک ٹانگ ٹخنے کے قریب سے کاٹ دی اور کٹا ہوحصہ کھیتوں میں پھینک دیا اس واقعے کی اطلاع ملتے ہی چئیرمین یونین کونسل کلاسوالا رانا زین العابدین کے بھائی رانا سبطین نے اپنی گاڑی میں خاتون کو گورنمنٹ علامہ اقبال ہسپتال سیالکوٹ پہنچایا ڈی ایس پی پسرور رانا زاہد حسین نے فوری طور پر ایس ایچ او تھانہ صدر انسپکٹر اقبال خان کی قیادت میں پولیس پارٹی کو خاتون کا بیان لینے کے لیئے ہسپتال بھیجا مگر خاتون نے پولیس کے روبرو اپنے شوہر کے خلاف یہ کہ کر کارروائی کرنے سے انکار کردیا کہ وہ کسی سے لہسن کی فصل کو گوڈی کر رہی تھی کہ اسی دوران بے دھیانی میں کسی کے وار سے اس کاپاﺅں کٹ گیا لہذا وہ پولیس کو درخواست نہیں دینا چاہتی۔
