اسلام آباد: (ویب ڈیسک ) احتساب عدالت نے ایون فیلڈ ریفرنس میں جے ا?ئی ٹی کی مکمل رپورٹ عدالتی ریکارڈ کا حصہ نہ بنانے کا فیصلہ کر لیا۔ جج محمد بشیر نے واجد ضیائ کو ہدایت کی کہ ا?پ نے جو دستاویزات جمع کیں وہ باری باری ریکارڈ کروائیں۔احتساب عدالت میں شریف خاندان کے خلاف نیب ریفنرسز کی سماعت ہوئی۔ جے ائی ٹی سربراہ واجد ضیائنے تین بکس میں موجود ریکارڈ عدالت میں پیش کیا، واجد ضیائ نے جے آئی ٹی رپورٹ عدالتی ریکارڈ کا حصہ بنانے کی استدعا کی۔ مریم نواز کے وکیل نے جے آئی ٹی رپورٹ عدالتی ریکارڈ کا حصہ بنانے کو چیلنج کیا اور کہا کوئی قانون تفتیشی ٹیم کی رائے کو عدالتی ریکارڈ کا حصہ بنانے کی اجازت نہیں دیتا، تفتیشی ٹیم کی رائے عدالتی ریکارڈ کا حصہ نہیں بن سکتی۔اس سے قبل سابق وزیراعظم نواز شریف ، انکی بیٹی مریم نواز اور داماد کیپٹن (ر) صفدر احتساب عدالت پیش ہوئے۔ وکیل نواز شریف نے طبیعت ناساز ہونے کے باعث حاضری سے استشنیٰ کی درخواست کی جسے عدالت نے منظور کرتے ہوئے سابق وزیراعظم نواز شریف اور ان کی بیٹی مریم نواز کو حاضری لگانے کے بعد جانے کی اجازت دے دی۔
