دھندا ہے پر گندا ہے۔۔۔جعلی ڈگریوں کے ماسٹر ما ئنڈ شعیب شیخ پر عدالت نے بجلیاں گرا دیں

کراچی(ویب ڈیسک )ایگزیکٹ کمپنی کے مالک شعیب شیخ کو ایف آئی اے نے سندھ ہائیکورٹ کے باہر سے گرفتار کر لیا ہے۔
تفصیلات کے مطابق شعیب شیخ کی جانب سے عدالت میں حفاظتی ضمانت کیلئے التجاکی جائے جسے مسترد کر دیا گیاجس کے بعد انہیں ایف آئی اے نے سندھ ہائیکورٹ کے باہر سے حراست میں لے لیا۔وفاقی تحقیقاتی ادارے (ایف آئی اے) نے ایگزیکٹ اسکینڈل میں سیشن کورٹ کے شعیب شیخ اور دیگر ملزمان کی بریت کے فیصلے کے خلاف اپیل دائر کی تھی۔سندھ ہائیکورٹ کے جسٹس نعمت اللہ پھلپھوٹو کی سربراہی میں 2 رکنی بینچ نے ایگزیکٹ اسکینڈل منی لانڈرنگ کیس میں ایف آئی اے کی جانب سے شعیب شیخ کی بریت کے خلاف اور مقدمہ دوبارہ ٹرائل کورٹ سماعت کے لیے بھیجنے کی اپیل کی سماعت کی۔عدالت نے ایف آئی اے کی اپیل منظور کرتے ہوئے حکم دیا کہ ملزم شعیب شیخ اور دیگر کے خلاف سیشن کورٹ میں دوبارہ ٹرائل چلایا جائے اور ملزم شعیب شیخ تین مارچ کو عدالت میں پیش ہوں۔