اسلام آباد (اے پی پی) ڈیوس کپ ٹائی ایشیا اوشنیا زون گروپ ون پہلے راﺅنڈ میں پاکستان نے جنوبی کوریا کو4-0سے شکست دے کر دوسرے راﺅنڈ کیلئے کوالیفائی کر لیا، اعصام اور عقیل خان پر مشتمل پاکستانی جوڑی نے ڈبلز مقابلے میں کورین جوڑی کو شکست دے کر ٹیم کو ٹائی میں 3-0 کی فیصلہ کن برتری دلائی اور اس کے ساتھ ہی اگلے راﺅنڈ میں جگہ بنا لی۔ چوتھے ریوس سنگلز مقابلے میںعابدعلی نے فتح نام کرکے برتری 4-0کردی۔دونوں ٹیموں کے درمیان آخری میچ نہیں کھیلا گیا۔پاکستان سپورٹس کمپلیکس اسلام آباد میں ٹائی کے دوسرے روز ڈبلز مقابلے میں اعصام الحق اور عقیل خان نے عمدہ کارکردگی کا مظاہرہ کرتے ہوئے سون وو کو ں اور یونگ لم پر مشتمل کورین جوڑی کو 2-0 سیٹس سے ہرا کر ٹیم کو ٹائی میں 3-0 سے کامیابی دلائی،پاکستانی جوڑی نے پہلاسیٹ ٹائی بریک پر7-6سے نام کیا۔دوسرے سیٹ میں قومی سٹارزکو6-4سے مات دی۔ پاکستانی کھلاڑیوں نے ابتدائی روز سنگلز مقابلے جیت کر ٹائی میں 2-0 کی برتری حاصل کر رکھی تھی۔ریورس سنگلز مقابلے کےلئے محمدعابدکومیدان میں اتاراگیا۔قومی ٹینس پلیئرنے کورین حریف من جونگ پارک کو7-6اور7-6سے شکست دی اورپاکستان کی برتری4-0کردی۔ اس موقع پر پاکستان ٹینس فیڈریشن کے صدر سینیٹر سلیم سیف اللہ، پاکستان سپورٹس بورڈ کے ڈپٹی ڈائریکٹر جنرل منصور احمد،، ڈائریکٹر نیشنل فیڈریشن محمد اعظم ڈار کے علاوہ شائقین کی کثیر تعداد بھی موجود تھی۔ پاکستانی ٹینس ٹیم کے نان پلیئنگ کپتان کوچ حمید الحق نے میڈیا سے گفتگو کرتے ہوئے کہا کہ ٹیم کی کامیابی پر بہت خوش ہوں، آج کا دن بہت یادگار ہے۔ اعصام الحق نے کہاکہ کوئی شک نہیں کہ ٹینس کے لئے آج ایک تاریخی دن ہے، حکومت کو چاہیے کہ کرکٹ کے علاوہ دوسرے کھیلوں کو بھی سپورٹ کرے۔
