لاہور (خصوصی رپورٹ) ڈسٹرکٹ کائٹ فلائنگ لائنگ ایسوسی ایشن نے میئر لاہور کرنل ریٹائرڈ مبشر جاوید کو باقاعدہ بسنت کی اجازت کےلئے درخواست دے دی۔ میئر لاہور کا کہنا ہے بسنت منانے کا فیصلہ پنجاب حکومت نے کرنا ہے۔ ڈسٹرکٹ کائٹ فلائنگ ایسوسی ایشن نے محفوظ بسنت کے انعقاد کے لئے میئر لاہور کو درخواست دی اور درخواست میں التجا کی گئی کہ 17 اور 18 فروری کو بسنت منانے کی اجازت دلوانے میں کردار ادا کیا جائے کیونکہ بسنت کی بندش سے 25 لاکھ لوگ بے روزگار ہوتے ہیں۔ موٹرسائیکل پر راڈ لگائے جائیں جبکہ دھاتی ڈور کے استعمال پر پابندی لگائی جائے۔ میئر لاہور کا کنا ہے کہ بسنت کا فیصلہ تو پنجاب حکومت نے کرنا ہے لیکن انعقد میں کردار ادا کروںگا۔