اسلام آباد(ویب ڈیسک)وفاقی دارالحکومت اسلام آباد کے پوش سیکٹر ایف ٹن فور کے ایک گیسٹ ہاوس میں مقیم ایک جوڑا پراسرار طورپر زندگی کی بازی ہار گیا، پولیس نے دونوں کی نعشیں پوسٹ مارٹم کے بعد ورثا کے سپرد کردی ہیں۔
روزنامہ جنگ کے مطابق جاں بحق ہونےوالے مرد کی شناخت ڈاکٹر رانا آفتاب احمد کے نام سے ہوئی ہے جو ماہر امراض چشم کی حیثیت سے وفاقی دارالحکومت میں 34 برس سے خدمات سرانجام دے رہے ہیں جبکہ دو شیزہ کی شناخت زوبدہ کے نام سے ہوئی ہے جو گولڑہ کی رہائشی اور نجی ہسپتال میں نرس کی حیثیت سے خدمات انجام دےرہی تھی، نیو ڈیز کے نام سے قائم گیسٹ ہاو¿س حکام کے مطابق ڈاکٹر آفتاب ان کے پرانے جاننے والے ہیں جو اکثر مہمانوں کے ساتھ یہاں قیام کرتے رہتے تھے۔ پولیس کو گیسٹ ہاو¿س کے کمرے سے شراب اور جنسی کیپسول ملے ہیں، ایس پی انوسٹی گیشن شیخ زبیر اور اے ایس پی شالیمار سید عزیز نے جائے وقوعہ کا معائنہ کیا۔