گڑھ مہاراجہ(نمائندہ خبریں)زود کوب اور برہنہ کے الزام میں دس ملزمان کے خلاف مقدمہ درج، تفصیلات کے مطابق نواحی علاقہ موضع تنگو کے رہائشی صادق حسین ولد محمد اعظم قوم رجبانہ سیال نے پولیس چوکی نیکارہ میں دی گئی درخواست میں الزام عائد کیا ہے کہ گذشتہ روز میں اپنے ڈیرہ پر بیٹھا ہوا تھا کہ اچانک آتشیں اسلحہ سے لیس علاقہ کے بااثر زمیندار محمد علی کان سیال، رضا خان سیال اور عمران وغیرہ دس ملزمان گاڑیوں سے اتر کر آئے اور میرے گھر کی چار دیواری کا تقدس پامال کرکے میرے گھر داخل ہوگئے اور مجھے گریبان سے پکڑ کر گھسیٹے رہے، میرے کپڑے اتار کر برہنہ کردیا اور زود کوب کرتے رہے ،اسی دوران ملزم نے ڈیزل مجھ پر ڈال دیا اور آگ لگانے لگے، میرے شور و واویلا پر نزدیکی لوگ اکھٹے ہوئے جنہوں نے میری جان بخشی کروائی ، ملزمان میرے کپڑے بھی اتار کر لے گئے جن میں نقدی بیس ہزار روپے بھی تھے ، پولیس تھانہ گڑھ مہاراجہ نے مقدمہ درج کرکے تفتیش شروع کردی ہے ، ملزمان تاحال فرار ہیں۔
