لاہور(ویب ڈیسک)پنجاب کے علاقے منڈی بہاﺅالدین میں بچوں سے بدفعلی کرنے والے گروپ کا انکشاف ہوا ہے، متاثرہ بچوں کے مطابق ملزمان سماجی رابطے کی ویب سائٹ فیس بک پر بچوں سے دوستی کرتے ہیں اور پھر بلیک میل کر کے بدفعلی پر مجبور کرتے ہیں۔متاثرہ بچوں کا کہنا ہے کہ ملزمان نے اسلحے کے زور پر بدفعلی کی اور ویڈیوز بھی بنائیں اور اب دیگر ساتھیوں سے بھی بدفعلی کرنے پر مجبور کیا جارہا ہے۔متاثرہ بچوں کے والدین نے منڈی بہاو¿الدین کے کالج چوک پر احتجاج کیا۔ مظاہرین نے ٹائر جلا کر ٹریفک معطل کردی ہے اور مطالبہ کیا کہ ملزمان کو گرفتار کرکے کیفرکردار تک پہنچایا جائے۔