اسلام آباد (مانیٹرنگ ڈیسک) ترکی نے اعلان کیا ہے کہ وہ موجودہ صورتحال میں پاکستان کے شانہ بشانہ کھڑا ہے۔ امریکی صدر ٹرمپ کے پاکستان کے بارے میں بیان کے بعد ترکی کے صدر طیب اردگان نے پاکستان کے صدر ممنون حسین کو فون کیا۔ انہوں نے کہا دہشت گردی کے خلاف جنگ میں پاکستان نے بے پناہ قربانیاں دی ہیں اور دنیا کو ان قربانیوں کا اعتراف کرنا چاہیے واضح رہے گزشتہ روز چین کی طرف سے بھی ایک بیان جاری کیا گیا تھا جس میں کہا گیا تھا کہ عالمی امن اور استحکام کیلئے پاکستان کا کردار اہم ہے۔ اس نے دہشت گردی کے خلاف جنگ میں جو قربانیاں دی ہیں دنیا ان کو تسلیم کرے۔
